علاقة انتشار الأوبئة بارتفاع درجات الحرارة

تغيرات المناخ وانتشار الأمراض و الاوبئه في العالم

هل تعلم أن درجة حرارة الكرة الارضية  ارتفعت درجة واحدة   بداية من سنة ٢٠٠٠ ومستوى المسطحات المائية ارتفاع ٢ ملي والكتلة العالمية الجليدية قلت ٣٪؜ (حجم الجليد في القطبين الشمالي و الجنوبي)

هل يوثر تغيير درجة حرارة الكرة الأرضية في انتشار الأوبئة و الأمراض؟

الإجابة : نعم

طبقا بحث نشر في اللانست وبحث قامت به الCDC توضح لنا الرد على هذا الموضوع في ما يلي :

١- زيادة ٩ امراض جديدة معدية ينقلها الناموس في امريكا.

٢- ارتفاع نسبة الاصابه الملاريا إلي ٦٦٪؜ ومن المتوقع سنة ٢٠٥٠ هيبقى اصابات الملاريا اعلى ١٤٪؜ من حيث الاعداد .

٣- ظهور أوبئة مثل حمي غرب النيل و زيكا والحمى الصفراء وحمى الضنك في مناطق جديدة بنسب اعلى زي كندا وامريكا واوروبا ظهرت سابقا و لكن من المتوقع انتشار أكثر.

٤- زيادة درجة حرارة الارض يسبب في زيادة نسبة حدوث طاعون في اسيا  50%.

٥- الاسكا في القطب الشمالي فرصة لظهور نوع من  الجدري اسمه (AlaskaPox) وبما ان درجة حرارة المياة بقت ١٥ بدل ١٤ في نوع بكتيريا ظهر في المحار الموجود .

٦- زيادة العدوى بالسلامونيلا (في البيض واللحمة) و كمان في بعض المنتجات التي تستهدف الاطفال زي (شوكولاتة كيندر) في الفترة الأخيرة .

ما هي الأسباب الحقيقية وراء كل هذه الزيادة ؟

١- كل حيوان وسيط ( حامل الفيروسات)زي الناموس كان عايش في المنطقة الحرارية بتاعته ولما اختلفت ابتدى يهاجر حامل فيروس مثلا  زي ناموس الملاريا مثلا يعدي ناس وحيوانات في اماكن جديدة.

٢- زيادة في الفصول الحارة ومدتها  لزياده فتره الاصابة .

٣- انتقال حيوانات لمناطق اخرى ابتدت تعدي كائنات اخرى مكانتش متعوده على الفيروسات دي وده عمل القفزات الفيروسية بين الكائنات وتخليها متحررة واشرس وده مثلا اللي كان بيقوله بيل جيتس بس من غير ما يفسر.

٤- التصحر : زيادة مساحة الصحراء ونقص مساحة المزروعة وازالة الغابات خلى الكائنات تروح للمدن بيفروساتها وده كان من اسباب انتشار الايبولا.

٥- إزالة الغابات والرقعة الخضراء نتج عنه مجاعات في بعض المناطق خلى الناس تاكل حيوانات برية زي الشمبانزي والخفافيش (شوربة الخفافيش) اللي انتقل منها فيروس كوفيد إلي البشر .

٦- ارتفاع درجة حرارة كمان والفئران مش هتستحمل الحر وهتهرب اكتر للبيوت والمدن وعشان كده وضع نسبة اعاده ظهور الطاعون تاني.

٧- الحرارة برضو هتأثر على مياة الشرب وزيادة الفطريات والبكتيريا في المياه.

وطبعاً الاسباب تطول وهتأثر على الثروة الحيوانية والزراعية والتوازن البيئي وللاسف متوقع ان درجة حرارة الارض تزيد درجة كمان في خلال ١٠-٢٠ سنة و٤ درجات كمان ١٠٠ سنة لو مخدناش التلوث والتوازن البيئي بجدية! لازم نقلل الانبعاثات الكربونية وتقليل التصحر وزيادة الرقعة الزراعية بدا ما الطبيعة تتعافى علينا.