عينه كعب القدم لحديث الولادة
مكان أخذ عينة كعب الرجل لحديث الولادة
العينة كعب القدم في الوحدات الصحية للاطفال حديثي الولادة و مراكز رعاية الأطفال التابعة لوزارة الصحة.
%20(1).jpeg "عينه كعب القدم لحديث الولادة")
هل عينه كعب القدم لحديث الولادة مجانا؟
عينة كعب الرجل في الأطفال مجانيه من ضمن مبادرات كتير يتقدمها الدولة للحفاظ على الأطفال والكشف المبكر عن الأمراض.
مواعيد عينه كعب الطفل حديث الولادة؟
يتم سحب العينه من كعب في الفترة مابين اليوم التالت لليوم السابع من الولاده و اغلب الناس عارفة انها عينة لتحليل الغدة الدرقية
مؤخرا العينة دي ( تحديدا من نوفمبر ٢٠١٥ ) بقت كمان تشمل تحليل تاني لتشخيص مرض من أمراض التمثيل الغذائي وهو تحليل نسبة الفينيل الانين في الدم
المرض ده احنا يعرف باختصار (PKU ) اذا لم يتم تشخيصه مبكرا لطفل ينتج عنه تأخر في الفهم و الحركة والكلام ده غير أعراض تانية زي التشنجات و غيرها.
علاجه أن الطفل يمشي علي لبن خاص و يمشي كمان علي نظام غذائى قليل البروتين
و لأن التشخيص المبكر مهم جداً الطفل (مع اتباعه تعليمات العلاج واللبن والنظام الغذائى الخاص) طبيعي تماما بدون اي اعراض تأخر أو تشنجات أو غيرها.
في الوحدة الصحية بعد سحب عينة كعب القدم علي ورقة النشاف ( ورقة تسجيل عينه الدم ) يتم تسجيل رقم الاب أو الأم ولو طلع التحليل عالي يتم التواصل مرة تانية لتكرار التحليل ولو طلع عالي للمرة التانية يتم سحب عينة وريدية تأكيدية ترسل الي المعمل المركزية
لو طلعت إيجابية للمرة التالتة يتم تحويل إلي مركز الارشاد الوراثي كحالة إيجابية تحتاج لصرف اللبن الخاص ومتابعة من أطباء المركز للمريض عشان الكمية المطلوبة من اللبن وكمان تحديد النظام الغذائى الخاص.
عشان فيه حالات بتطلع إيجابية لمرض التمثيل الغذائي ولما المعمل المشترك يبلغ الوحدة الصحية بذلك ويتم تبليغ أهل الطفل احيانا الأهل بيفتكروا تحليل الغدة الدرقية هو اللي فيه المشكلة و هنا بيحصل الخلط!
إعادة تحليل الغده الدرقيه تاني في معمل برة يطلع سليم ف ينبسطوا ويقولوا تحاليل الوزارة دي أي كلام وينسوا
دي بتبقي مشكلة كبيرة عشان الطفل عنده مرض ال PKU لكن الغدة الدرقية سليمة و أي تأخير في علاج المرض ده يأثر علي نمو الطفل ودرجة ذكائه يسبب علي المدي الطويل التخلف العقلي.
اهلا بكم في موقع كبسولة مفيدة نتشرف بزيارتكم وسوف يتم الرد علي تعليقات متابعين في اقرب وقت
يمكنك متابعة صفحتنا على الفيسبوك :
capsolamofeda-كبسولةمفيدة