الصفراء عند حديثي الولادة انواعها

الصفراء عند حديثي الولادة

أنواع الصفراء عند الأطفال حديث الولادة 

١- الصفراء الفسيولوجية

بتظهر غالبا علي اليوم التاني او التالت بتلاقي الام عين الطفل بدات تصفر بعدين ممكن تزيد حتي جلد الصدر البطن والاطراف

إزاي نتعامل مع الصفراء الفسيولوجي؟

أول حاجه لازم نطمن عن طريق قياس نسبة الصفراء وده مبدئيا يتم قياسها عن طريق الجلد

ويمكن وقتها نطلب تحليل بالدم للتاكيد حسب كل حالة

الوقاية من الصفراء الفيسيولوجية

اهم واحسن طريقة عشان نسبة الصفرا متزدش وهي الرضاعة الطبيعية.. الرضاعة من أول ساعة ف ولادة الطفل مهمة جدا وبتساعد ان الجسم ينزل الصفراء

تقليل الرضاعة بتكون في اوقات كتير سبب من اسباب ارتفاع الصفراء

كتير من الامهات لما بتيجي تسأل علي نسبة الصفراء دي كدا عالية ولا كويسة وهيحتاج حجز بالحضانة ولا لا؟؟

معلومات مهمه :

اولا نعرف انه دا بيعتمد علي عوامل كتير اولا وزن الطفل عامل مهم هل 2.5 كجم ولا اقل؟ . طفل مبتسر ولا كامل النمو؟ . فيه اي اعراض تانية مقلقة عند الطفل . الصفرا كرقم في حد ذاته لازم بنحطها علي منحني خاص وكل حالة مختلفة حسب العمر وهل النسبة دي في اول يوم ولا بعد كدا. كل دي عوامل بتفرق في علاج الصفراء. عند وصولها لحد معين ممكن الصفرا تحتاج علاج ضوئي ودا يستدعي دخول الطفل للحضانة مع استمرار طبعا الرضاعة لانها بتساعد ف نزولها

الصفراء التكسيرية

الصفراء بتكون مرتفعة او بتزيد بمعدل سريع في اول ايام من عمر الطفل و من اهم اسبابها اللي بنشوفها في الحالات اللي بتكون فيها الام فصيلتها O والطفل A او B او AB

او تكون معامل الريسيس بتاعها ار اتش(RH) سالب والطفل موجب فبيحصل تكسير زائد لكرات الدم الحمراء وبالتالي ترتفع نسبة الصفراء بالدم.

 في الحالة دي لازم ناخد بالنا ونتابع النسبة كويس ونلاحظ لو الطفل بقي فيه خمول زائد او مش بيرضع كويس ونسبة الصفراء بتزيد فلازم يفحص جيدا لان كتير من الاوقات ممكن يحتاج الطفل للحجز بالحضانة وعلاج ضوئي مكثف من البداية لتلافي حدوث اي مشاكل.

وطبعا الام اللي يكون RH بتاعها سالب ضروري تاخد حقنة RH عشان الحمل بعد كده لا يضر.

اماكن ظهور الصفراء في حديث الولادة 

 الصفراء اول مكان بتظهر فيه العين ولما بتزيد بتزيد بالتدريج من اعلي لاسفل ممكن لحتي الاطراف يعني بتظهر علي الجلد عموما

لكن لما بتقل الصفراء بتختفي من اسفل لاعلي بمعني ان ممكن اصفرار العين يطول شوية لانه اخرحاجة بتروح منها الصفراء بعد نزول نسبتها بالدم. فمنقلقش لان دا طبيعي طول ماالتحليل كويس واصفرار العين هيروح بالتدريج

ملحوظه : الصفرا اللي بتطول بعد الاسبوع ازا كان نسبه الصفراءمش عاليه يعني اقل من 15 دي بتبقي صفرا بسبب لبن الام وافراز انزيم بيتحد مع البيروبين بيمنع خروجه من الجسم اسمه pregnandiol

ممكن تستمر لمده شهر ونص او شهرين كمان وعادي مبتفرقش مع الطفل في حاجه 

العلاج بتاعها اننا بنزود عدد الرضعات 

او نوقف لبن الام لمده 48 ساعه وندي صناعي

او بندخل طبيعي مع صناعي 

المهم انها مش مقلقه طول ما النسبه اقل من 15

الاطفال اللي مهم جدا ناخد بالنا من ارتفاع الصفراء عندهم

1.الطفل عند ارتفاع الصفراء في اول 24 ساعة من الولادة 

2.الطفل المبتسر

3.الطفل اللي فصيلة امه O او ال RHسالب او ظهر عليه اعراض مرضية اخري

4.اذا كان الطفل السابق تم حجزه في الحضانة بارتفاع بالصفراء التكسيرية او احتاج تغيير دم بسبب الصفراء.

وده جدول بيوضح الفرق بين الصفراء الطبيعيه والمرضيه

نسبة الصفراء عند حديثي الولادة